يا ابن آدم كل ما قلت انظر لجرحي العظيم
ما لقيت اعظم من جروح الندم بين الجروح
ويا ابن آدم كل ما قلت الزعامه للزعيم
ينتشيني كبريائي فوق شاهقة الصروح
والدروب يقودها درب السراط المستقيم
واستقامات البشر بين الصراحه والوضوح
والغصون الي فرحها غير لا هب النسيم
ما تسأل عن معانات الحمام الي ينوح
يا هل الزور ان حلفتوا زور وبوجه الكريم
فاح ريح من الكذب والكذب له ريح يفوح
يا رحيم الصدر ضايق حيل سترك يا رحيم
والدروب اطوال واقدامي من اللهفه جموح
اعطني من لدنك التوفيق والعقل الحكيم
والعزيمه00والمعزه00والمراجل00والطموح
والقمر يغريني اغني على اللحن القديم
يجذب البراق عيني كل ما شفته يلوح
والقساوه للرجوله000 والنعومه للحريم
ياكثر ناس تجي في عيني وناس تروح
اكثر اهل الارض خلاني وانا مالي نديم
يشتكون جروحهم عندي وانا كلي جروح